මගෙ දිවියට සතුට දෙනු මැනවී

සමුදුරක් සේ බලා ඉනු මැනවී
නිල් දොළක් සේ ගලා එනු මැනවී
සදා කාලික ප්රේමයක් ගෙන
මගේ දිවියට සතුට දෙනු මැනවී

මල් සුවද සේ හදෙහි පිරෙමින්
තරු වියන සේ එලිය බෙදමින්
හිතේ තනිකම මකාලනු මැනවී

මද පවන සේ හමා ඇවිදින්
සඳ වතුර සේ ගලා ඇවිදින්
මගේ මාවත සදලනු මැනවි

ඔබ පැමිණෙන මේ සිහිනේ අවසන කෙදිනක වේ දැයි නොමදන්නේ

සැබෑ ලෙස මුණ නොගැසී
සිහිනයෙන් ඔබ එන්නේ
අවදි වීලා බැලූ  මොහොතේ
ඇයි දමා දුර යන්නේ ...

සඳ ඇවිත් රෑ අහස් තලයේ
තාරුකා වියන් හිනැහෙන්නේ
රැයේ දුටු සුන්දරම හීනය
හිරු නැගෙද්දී බොද වෙන්නේ

මල් පිබිදීල  සුවද දිදී
බමරුන් හිනැහී දිව එන්නේ
ඔබ පැමිණෙන මේ සිහිනේ අවසන
කෙදිනක වේ දැයි නොමදන්නේ

සුළග වෙන්නට හැකි වුනේ නම්

සුළග වෙන්නට හැකි වුනේ නම්
එන්න තිබුණා ඔබ සොයාගෙන
ඔබේ ආදරණීය සුවදේ
ඉන්න තිබුණා ආදරෙන්

ඔබගේ ගත වට දැවටි මොහොතක්
හොරෙන් අරගෙන සුවද බිදුවක්
සීත සුළගක් ඇවිත් රහසින්
කියයි ආදරණීය රහසක්

මිතුදමින් හිනැහෙන්න

පත් ඉරු පුරා ඔබ  කී  වදන් 
මා  සිතම හඩවා ඇතේ.....
ඔබෙ ගී  අසා  දුක  දැනුනු  නමුදු
ඔබට  පුද  දෙනු  කෙලස  සෙනේ ...

නෙත ගැටුණු ඒ ඔබේ දෙනෙත් යුග
කීවා රහසක් කොදුරාලා .....
අනුකම්පාවක් නොව ප්‍රේමය යනු ලොව
වටහා ගනු මැන සමා වෙලා ....

හැරයන්න ඔබ දෙනෙත
අවසරයි සමු ගන්න
නැවත නෙතු ගැටුණු සඳ
මිතුදමින් හිනැහෙන්න

ඔබම සොයමින් ඇදෙනවා

නිලට හුරු දම් පාට මුසු වී
සිතිජයේ දුර කොනකටම වී
නික්ම යන හිරු බලනවා
කදුළු බිදු බිදු වැටෙනවා

අහස සුසුමන් හෙලනවා
මගේ කදුලැලි පිසිනවා
ඉකි ගසා තව හඩනවා
පොලෝ තලයම තෙමනවා

තවත් කදුලැලි වැටෙනවා
ගගට කදුලැල් ඇදෙනවා
ගිං ගගම කළබා දිවෙනවා
ගගත් හෝ ගා අඩනවා

කදුළු පෙරහැර ගොඩ බිමට විත්
ඔබව කොහිදැයි සොයනවා
ගම් නියම් ගම් පසුකරන් විත්
ඔබම සොයමින් ඇදෙනවා