මම තාම හඩනවා

සඳ එලිය ගලනවා මල් පෙති අතරින්
මහා පොලොව තෙමෙනවා සඳ වතුරින්
ඔබේ දෙනෙත සොයා රෑ තරු අතරින්
තාම හඩමි මම පෙර මග බලමින්

ඔබ කොහිද ?

රෑ අහසේ  සඳ   කුසුමෙන්  
ඔබ  ඉන්න  තැනක්  ඇසුවා....
රෑ  අවදි  වෙලා  මග  බැලූ නමුත්
සඳ  නොදත්  බවම  කීවා ....

මුළු  දවසේ  මද  සුළගෙන් 
ඔබේ  සුවද  සෙව්වා ....
මල්  සුවද  අරන්   මෙහි  ආව  සුලගටත් .....
නුබේ  සුවද  අමතක  වෙලා ....

සොයයි තව තවත්

සොයයි තව  තවත්
කුමක්දෝ මසිත 
එහෙත්   එය  කුමක්දැයි
නොදනී  තවම

සිතුවිලි  ගලා එයි
විසල්  මා  මනස
පාලු වූ  සිතුවිලි
යවයි  දුර  ඈත

බිදෙන  ඉපදෙන  රළක්  විලසට
මතක  ඉපදී  මිය  ඇදේ
සහස්  සුවහස්  සුසුම්  වැල්
මද  පවන  විත්  රැගෙන  යයි

තාමත් නෑ
අදත් නොමැත
හෙට නාවත්
මක් කරම්ද?
රෑ හීනෙන් වත් දකින්න
නිදා ගන්නවා ඇරෙන්න

මගේ සිත
නුබේ සිත
දහස් වර
දුටුවමුත්


නුබේ සිත
මගේ සිත
නොදුටුවේද
එක් වරක්

හීනෙකින්වත් නොකියමි මම

ඔබ  නමින්  වූ  මගේ    ප්‍රේමය  

විසල්  සයුරට  සමයි 

දුක්  දරන  මා පොලව  වේ  නම් 

ඔබව  මට  අහසට  සමයි

හීනෙකින්වත්  නොකියමි  මම 

මේ  නිහඩ  බව  මට  හොඳයි 

ඔබට  කරදරයක්  නොවී  මම

ඔබට සමු දෙන්නම්